কথানদী
গায়ত্ৰী দেৱী বৰঠাকুৰ
তেজপুৰ
কথানদীয়ে কথা কয়
কথানদী নদীৰ দৰে বয়
ভৰ বাৰিষা কথানদীৰ চোতালত
জিলমিলাই এন্ধাৰত জিলিকা এজাক জোনাকী
লঠঙা শীতত শুকাই নাযায় কথানদী
হেৰাই নাযায় উঠন বুকুৰ কাঞ্চনমতী হেঁপাহ
সুঁতি সলাব নোৱাৰে কথানদীয়ে
অথচ
পৰম্পৰাৰ নদীয়ে বান্ধি ৰাখিব নোৱাৰে
কথানদীৰ উশাহ
কথানদীৰ বুকুত জী থাকে
হাজাৰ নদীৰ
বিজাৰ এজাৰৰঙী কাহিনী
Doksiri দকচিৰি, মে, ২০২৫
No comments:
Post a Comment