বিভাৱৰী
অৰ্চনা ঠাকুৰীয়া
যি দিশে বতাহ নবলে
সেই দিশত ৰঙা গোলাপ নুফুলে
হয়
এই দিশেৰেই এখনি নৈ বৈছে
নৈৰ তলিত শিল আৰু শেলুৱৈৰ বিবাদ চলিছে
জোনাক নিশা হ'লেই যেনিবা
বিৰহৰ অন্ত ক'ত
তামোলবোৰ পকি আছে
কিন্তু এটাও সৰা নাই
মায়া এৰাটো বৰ কঠিন
কাউৰীবোৰে ৰমলিয়াই
ফেঁচাৰ নিউ নিউ চিঞৰত সাৰ পায়
ৰাতিৰ আকাশ
এই দিশে নাহিবি কাউৰী
তোৰ জীয়েৰাক ৰজাই নিলে
ফেঁচাজনী অ’ নিউ নিউ নকৰিবি তই
উৰুলি দে, উৰুলি দে
ৰজাৰ পুতেক আহিছে
লগত আনিছে নতুন কইনা
কাউৰীৰ জীয়েক, আজি ৰজাৰ বোৱাৰী
তাই আলাসতে পাই আকাশৰ জোন
ৰঙা গোলাপ নিছিনে
ৰজাৰ পুতেকক সোধাই গোৰ
এতিয়া সময়, বৰ গম্ভীৰ
আৰু ৰাতিবোৰ বিভাৱৰী
Doksiri দকচিৰি, মে, ২০২৫
No comments:
Post a Comment