MISING POYIRNÉ MIDUMKO MADUNG

 

MISING POYIRNÉ MIDUMKO MADUNG

Anuj Yein 

   Abígé dung adné kamang, Potiné dung- poyirné kamang. Pobug pogolo Potiném Tamasrdug- Poyirné kamang. “Silo Kapé Anéké Agomsé lupo lujar do:pínpé du:ryaryen…?”

    Mising Agom Kébangé íddí:ko lukéng kadun Siloké longkílo:pé. Appíngéi kindo Mising Agom Kébang 1972 dítagdokké su:pakpé aínbíríg moírnam ager tarungém gíné 2023 dítagdo gertobong. Dokké 1985 dítag-do Migomé tolígkampé sidé ngoluk Ohomsé 230 kopé poyirné midumém bitungai. Odo bulu 1986 dítaglo Mising anka dém bila pasla du:né midumém bito.

   Dokké, Lédupé Mising Agom Kébangé ruledkampé anka dém moírkampé 1992, dokké 1995, 2005, léddarpé 2022… ankodo abarungko ko-ko:néngé aipé passla dung.

   Su:pakpé, abarungko ko-ko:néngé pasla lupé lumílo migom ager pa:nam ayirdé:sin ake tani:lokké gíbadkang. Odok lédupé mélo konno 2 Epril, 2025 pobug pogolo Potin Tamsarélang pogod nam ager tarungém ru:to.

     Dépila, sémpé lukan kípé, pobug pogolo Potiné dung, poyirné midumé kamang, su:pakpé Migomé tolíkkampé sidé ngoluk Ohomsé 200 kopé poyirné midumém biye émna taddung. Émpige:la Siloké longkí lo:pé se:kom Kapé kapé Mising pobug pogolo poyirné midumém biyen, Édé agom kídí:dé su:paksin kedla dungkang. Sipé Appíngéi agomko ludo – “Abígé dung adné kamang, Potiné dung poyirné kamang: pobug pogolo Potin tamsardung- poyirné kamang “Silo Kapé Anéké Agomsé lupo lujar do:pínpé du:yaryen...?

  Émdaggom, Agomko taddung general mipag Tet anka pasné kídarém sidé ohomsok biyéku émnam donyingko ludung. Édé ager tarungém mising réngamé tadlígsumang. Mising TET pass-né kídarém binam léngangé lékoda Mising Agom Kébangé lang su:pakké BJP migom ngoluk Ohomsé méngésunam Dr. Ronuj Peguké kin-go mirungmé kétaksula ména:pé ru:sékko segmílo airu:pé anpoyé. Émma:mílo ngoluk Mising Réngamké lupo lujar agom dírbí:lok néríng ammíngé yokpagye. Ngoluk réngamké mannyingém yumé-longé kinma:pé matíla manngabé kamayé.

    Dépila, sémpé ngok asin agomko aipé kinníla Agom Kébangé 2025 dítaglok anu Abu, Nébíng kolo:pé dojíkko bitungai.

 (Mising Agom Kéba:lok Nébíng/Abu, kolo:pé Do:jíg)

Lo:pé, 

Ménggé sunam Nébíng, Mising Agom Kébang,

karisuk Dhemaji. Longkí:--19/04/2025/

Lukéng:- Kinma:nam agomko tausunam do:jíg,

Sar nom Kumrígsudung,

Sidé do:jíg sokki ngok ang ayangém toríksulangka.

Ngok kinmanam agomko sémpé dung. Sipé

Mising anka:dém Mising Agom Kébangé, íddíko su:pakpé la:to:bon ?

Su:pag sidé ngoluk Ohomsé íddíko pa:sné ko-ko:néngé dun ?

1985 dítagdokké tolígnam Migomé (230)ko, Mising poyirném po:pé-bong bitungai.

Sukké dítag so, pobug pogolo 2025, 2,/04/april longé lo, (200) kopé Potin pogod tamasrnam ager tarungém ru:to.

Kapé kapé su:pakké poyirné midumém kapé biyen, kapé migomé toledyen?

Sukké lunam agomsémpé (200) kopé poyirné midum dok ara:do annyiko bitémye émnam donyingko taddung.

Mising TET la:yé, la:mang odokké/General TET passné mé:téng poyirné midum kídarém sidé ohomsok biyéku émnam do:nyidé íddíko lukéng kadun ???

   Sidé taléngké taunam ager trung dok agom kídí:dok lulatko lubimíl airu:pé anpoyé.

Sa: Aipai 

Noluk kangkin

Aya:nam,

Anuj yein

Disangmukh, Sivasagor 

Po:péké ki:ni Ager Ajon 

Mising Agom Kébang

Doksiri দকচিৰি, মে, ২০২৫