পেহেলগাম সাৰে থাকিব
চম্পাৰাণী হালৈ
উছাহ আনন্দত বিভোৰ
পেহেলগাম
সেউজীয়া কোলাত নিদ্ৰিত
অনেক সপোন।
এধানি শান্তি বিচাৰি
সিঁহত ঢপলিয়াই আহিছিল
পেহেলগামলৈ।
সকলোৱে তেজৰ ৰং ৰঙাই আছিল
সকলোৰে বুকুত উথলি উঠিছিল
সীমাহীন সৌন্দৰ্য্যৰ বাখৰ।
হঠাৎ যেন উন্মাদ হ’ল
সাৰ পালে পেহেলগামে
বুকুত অজস্ৰ নিনাদ।
নিঃসহায় চিৎকাৰ
ধৰ্মৰ ট্ৰিগাৰত জীৱন বিধস্ত
হিংস্ৰ বাঘনখৰ আঁচোৰত
চিৰাচিৰ পেহেলগাম।
চয়তানৰ ভোকত সাৰ পাব সি
মাথো নিঃসহায় চিৎকাৰে
সামৰি থব ভোক।
Doksiri দকচিৰি, জুন, ২০২৫
No comments:
Post a Comment