MA:NYING

 

MA:NYING

                  Mg. Bhobo Dole:

Ti:dagnéi-kodang?

Ku:dagnéi-ke:dang ?

Ma:nying a:yedém doka:la ka:lí:la toya:nam

Yi:pi:langum dítakko ika:bo.

Ti:dagnéi-kodagnéi 

Ku:dagnéi-kodagnéi 

Yakka:la ka:lí:la

Anu sí:rumé tobo-toka:la dung.

Ti:dag ti:dag

Mullangémpé ti:dag émna

Luyum agomé kumsung bingka:bo

Yerungésin bi:sam samka:bo.

Do:mírtok takarém ga:lenam agomém

Réngamé tadla dung

Abíng ame: kangkinma:nam séu-bakorém

Réngam amigé migladla ka:la dung.

Tadla taddírdung

To:ya:la todírdung

Asinang onamésin

Mo:tépé sorgédung.

Díkkín-komíné ko:yosuné agomdé

Kongki ko:ma:dé lure:re:nam agomdé

Taddír-dírdu:bo yerungé betka:bo

Ma:nying ma:namdém ma:térsugoméi aiyésong ?

Doksiri দকচিৰি, জুন, ২০২৫