এক অজান বেদনাৰ শিহৰণ
নিপু কুমাৰ দাস
কাজিপাৰা, নলবাৰী
কলিজা কোমল যেন মধুৰ স্পন্দন
কেতিয়া কেনেকৈ হয় হুমুনিয়াহ
স্বপ্ন বিভোৰ কথাবোৰ
সাগৰৰ ফেনাৰ দৰেই
বুকুতেই হুল হৈ বিন্ধে হায়!
ভাল লগা কিযে ভাল কথাবোৰ
দুচকুৰ নীলা ডাৱৰৰ ভাষাৰেই
বুকুৰ ফাগুন যেন এজাক অজান বৰষুণ
এই প্ৰণয়ৰ প্ৰেম-বসন্তৰ ছবিখন
বিশ্বাস আৰু সততাৰ
শাওণৰ ভৰা বাৰিষাৰ ঢল
হৃৎপিণ্ডত বাঢ়ি আহে ঢপ-ঢপনি
কুট্ কুটাই কলিজাৰ ভাঁজত
সপোন ভঙা কথাবোৰ
জীৱনৰ বুজাব নোৱাৰা হাঁহি-ধেমালি
কেতিয়া কেনেকৈ হয় গৈ চকুলোঁ
এই সময় দুঃসময়ৰ সন্ধিক্ষণত
এক অজান বেদনাৰ শিহৰণ—।
Doksiri দকচিৰি, আগষ্ট, ২০২৫
No comments:
Post a Comment