সন্ধ্যাতৰা
ৰূপা গগৈ
বিচৰা নাই এদিন চকুলোৰে মালা গাঁথি পিন্ধাবা
মোৰে ছবিত
সোঁৱৰিবা বুলি মোক
সেয়ে মৃত্যুকো বন্ধকত ৰাখি
জী আছোঁ কেৱল তোমাৰ বাবেই।
যাওঁ যদি কেতিয়াবা দৈৱ দুৰ্বিপাকত
অজানিতে হেৰাই
সন্ধিয়া পশ্চিম আকাশলৈ চাই মাথোঁ
এবাৰ সোঁৱৰিবা
মইও আছিলোঁ এদিন
জীৱনৰ কোনোবা এটি সন্ধিক্ষণত
তোমাৰ মনাকাশৰ এটি সন্ধ্যাতৰা।
Doksiri দকচিৰি, আগষ্ট, ২০২৫
No comments:
Post a Comment