সেন্দুৰ
অজয় বৰুৱা
দৰং
শিৰৰ সেওতাঁত
কি ফুলৰ ছবি আঁকো?
শিমলু
মদাৰ
পলাশ নে এজাৰ,
মদাৰ ফুল হেনো অপৰিচিত
শিমলু জুই,
এজাৰত বেজাৰ
পলাশ অশ্ৰু বিষাদ,
কি ফুলৰ ছবি আঁকো?
দুহাতৰ মুঠিত লুকুৱাই নেৰাখিবা
ৰঙৰ মুকুতা
ফাগুনৰ দুপৰীয়া সকলো ৰিঙা।
ঠিক আছে,
ফাগুণৰ ৰঙাৰে ৰিঙা নকৰো
তোমাৰ কপাল
শুভ্ৰ দুগালৰ সতে
সেওঁতাত দিওঁ তেজৰঙী এক বিশ্বাস।
এমুঠি সেন্দুৰ।
Doksiri দকচিৰি, জুলাই, ২০২৫
No comments:
Post a Comment