MÉ:LOTSÉ
Modon Pegu
Me:lotsém édílai
Aíém aíé inka:sula
Aasin pa:ta:dém
Ésapko érka:la
Ka:lí:dak
Mé:dag anu mé:lotki
Kombong namti:n ésarki
Nginsa:n ombe: otsurpé
Nébir ba:bir jarsa:do
Lí:yom kampo geyompé
Gíténg gé:né lamtélo
Ka:nyok sudung yallom
Íksir ígyir sa:la
Turlam lambé yoga:dung
Írga:n ma:nying mo:pídé
Do:ng so sulli potté
Kollabati sa:la
Tapi: pi:sam mo:légé
Meker mari: keba:dé
Ité pro:lo yumdéngé
Íksínggo:ying loladé
Ru:su ru:téng ru:nané
Tarunan tarung nasodém
Kímík ru:mík ru:sékto
Gerbompénam agerém
Arung ara:lo lé:pakto.
Doksiri দকচিৰি, জুলাই, ২০২৫
No comments:
Post a Comment