SÍGGE:LA MÉBITUNG

 

SÍGGE:LA MÉBITUNG

                                           Digen Taid 

Loum lo:pi: longéko a:nggéla 

Du:pan gípansula du:daggom 

Mé:jo mé:lagla gía:langku

No aína kérang anínpé.

Sigladla mébitung gené yabgobém 

Ki:ladla lé:bitung tu:pog yabgobém 

Oiyaunok méngkam méngkampé

Talé:pé amo:pé gígo:sula:dopé.

Nokkéna oiya léga:pé ngo aína

A:mpi ambín du:sin apíko

Mésíg mérígla lé:bitung ngo

Nokké dolíng-kampé dodopé.

Do:nyi pédongém loma:pé

Ésar asikosin a:la:ma:dopé

Írga: loblobdopé mosí:bitung

Jarsa:né nok ayang payegém.

Kublad kubladla po:kal kangkílang

Pe:lad pe:ladla pirgodla mébilang

Alang gorgorpé nom mébinam

Ngokké potin kémsu:sém.

Doksiri দকচিৰি, জুলাই, ২০২৫