শেৱালি ফুল
চন্দনা ভাগৱতী
ৰাতিফুলা ফুল মই শেৱালি অভিসাৰিকা
প্ৰতিটো মুহূর্তত বিৰাজমান এক বোবা অস্থিৰতা
তুমি জানা,
হাউলি পৰা তোমাৰ টোপনিলৈ শাৰদী নিশা
মই নামি আহো আৰু
ওৰে ৰাতি ৰোমাঞ্চিত সপোন এটাৰ
দুৱাৰডলিত ৰৈ থাকো
সপোনত তোমাৰ বিয়পি থাকে
এখন আকাশ।
কিন্তু কি জানা,
বিচ্ছেদৰ যন্ত্ৰণাৰে মোৰ একাকী জীৱন
গলি যোৱা যাতনাৰ তলত মোৰ ভাঙি যোৱা সপোন
আপাতত অভিশাপত ভ্রষ্টা, সূৰ্যৰ প্ৰতাৰণাৰে মই ছাই
মোৰেই শপত নাচাও মই সূৰ্যৰ মুখ দুনাই
ইয়াত সেয়ে ৰ'দৰ বাবে অকনো ঠাই নাই।
মই এনেদৰে মৰি মৰি জী থাকো
নিদ্ৰাৰ অৰণ্যত আৰু
তুমি সাৰে থাকা ৰ’দৰ চহৰত।
Doksiri দকচিৰি, ছেপ্তেম্বৰ, ২০২৫
No comments:
Post a Comment