বিভ্ৰম
সঞ্জীৱ সাগৰ চৌধুৰী
আকাশৰ হাতবাউল নেউচি
প্ৰতিনিয়ত টুকুৰিয়াও
তোমাৰ খিড়িকীত
তোমাৰ ঘৰত দুৱাৰ নাই
ময়ো বতাহহে
নৈ নহয়
হুমুনিয়াহহে এঙামুৰি নহয়
জোনটোৱে চাই থাকে
চোতালৰ কাকিনি তামোলত উঠি
নিশাচৰ চৰাইৰ আয়োজন
খিড়িকি খুলি তুমি
দুচকুত মেলি দিয়া দুটা জোনাকী
আচলতে মই আজিও নেজানিলো
মই প্ৰতিনিশা টুকুৰিয়াই থকা
খিড়িকীখন যে
আচলতে খিড়িকি নহয়
তোমাৰ বুকুৰ দুৱাৰহে….
Doksiri দকচিৰি, আগষ্ট, ২০২৫
No comments:
Post a Comment