AÍÉM KINSULA
Madan Pegu
Gíkutsudungku aíém ka:sula
Gíkutsudungku aíém kinsula
Gímur lamtém ka:so:ma:pé
Lamku kérangém mé:pí:suma:pé
Makkor asiné mé:jub mé:namé
Mé:tum mé:lumto luyad moyatto
Kinso:ma:pé gínyok suto.
Írga:né luyumdo usa:dungai
Mo:písémei alaglo yumbom tagai
Kinsu ma:nyingé írga:dagai
Gerténg gerpénam gerpodagai
Mé:bo olumé orum dagai
Atí ngasodém anbegmangai
Mé:po kumsungém rébbi:tagai
Kapiné moyadan oko so:rían
Atí taru:doi pin-gop ayirko Mitpanmangai
Yalodei turténg mo:píai
Gomugdei gersang sí:turai
Apug i:yyém pumlígla
Lo:pong angkir bidlígla
Alo:lo:pa:né mé:tin mé:bom
Aso aso:pé ka:nyok sudung
Sé:kom kang-géla
Ka:mín-géyén
Sé:komé méng-géla
Gímín-géyén
Mé:bo akiyé sakkebdung
Aiém kinsula méngkudsula
Aíké lamtélo gíkudsudung.
Doksiri দকচিৰি, অক্টোবৰ, ২০২৫
No comments:
Post a Comment