Mé:tínsunam Migoma

 

Mé:tínsunam Migoma

                                          Krishno Dole: 

                                                      Majuli

Mé:tinsunam miganga 

Réngam légapé onama 

Okolopé gídagné 

Mibu galug gége:la 

Murong okum kama:pé 

Okol po:rag tí:yéné 

Mising agom luma:pé 

Oko mimag moyéné 

Gígéboné miganga 

Opín jo:po:p ipéna 

Oko tarung ru:du:né 

Lamkud yoksa jongge:la 

Aík Dírbí kama:pé 

Réngam ako turyélang ?

Aík yélam kama:mílo 

Opín turla du:yélang ?

Lo:díp jonnam ajona 

Réngam ager gerjona 

Oko mirung ru:du:né 

Ajon lugé gége:la. 

Dungko among légangé 

Mimag mirung ru:pé

Kébang ba:pénam 

 Pé:soyok no

Lambédo daktumné

Yakan takot-tamodém  

Paru: sa:la yatoka

Aík amig kinma:pé 

Mising turnam légapé.

Doksiri দকচিৰি, অক্টোবৰ, ২০২৫