ভোক
আগমনি ফুকন শইকীয়া
নৰ্দমা আৰু ডাষ্টবিন
পথৰ ৰূপ কথা
বৰষুণেৰে চহকী নৰ্দমাই
সুবিধা পালেই পখালে পথ…
ডাষ্টবিনত শুই থাকে
গোলাপী গৰ্ভৰ জালিকটা কলি …
ভোকৰ উৎসৱত
গৰু-ছাগলীৰ লগতে
পাগলীজনীৰ বিদ্ৰোহ বাঢ়ে…
ভোক চোবাই থাকোঁতেই
গজি উঠে দলনি-নগৰ
স্ট্ৰিট লাইটৰ তলত
ধনগুলৈৰ ভোক হেৰায়
নৰ্দমা আৰু ডাষ্টবিনৰ পৰা ওলোৱা গোন্ধে
সম্প্ৰতি সম্ভ্ৰান্ত বাটৰুৱাক খোজৰ গতি বৃদ্ধি কৰিছে।
Doksiri দকচিৰি, ছেপ্তেম্বৰ, ২০২৫
No comments:
Post a Comment