শৰতৰ নিয়ৰ সিক্ত এটি পুৱা
প্ৰণৱ শৰ্মা
গুৱাহাটী
শৰতৰ নিয়ৰসিক্ত এটি পুৱা
আহিনৰ সেউজীয়া দূৱৰিত
মুকুতা মনিৰ শুভ্ৰতাৰ
প্ৰাচৰ্যৰে ভৰা এখনি দলিচা
শেৱালি সুৱাস সনা
মাধুৰ্যৰে ভৰপুৰ
পুৱতি নিশাৰ এটি
মধুৰ ষ্মৃতিৰ সপোন
হালি – জালি নাচি বাগি
নৈ কাষৰীয়া শুভ্ৰ কঁহুৱাইও
হেন্দোলনি তুলি
প্ৰতিধ্বনিত কৰি তোলে
অবুজ হিয়াক
বতাহৰ সানিধ্যতাৰে
নীলাভ সাগৰৰ বুকুতো
চিক্মিক্ তিৰবিৰনিত
ৰহস্যময় প্ৰকৃতিৰ মাদকতাৰে
উন্মনা প্ৰকৃতিৰ সৃষ্টিৰ বিশালতা সোন্দৰ্য প্ৰিয়াসী হৃদয়ত
এবাৰ হ'লেও প্ৰতিক্ৰিয়াৰ সৃষ্টি কৰি
অনুভৱৰ কৰনি ভৰাই তোলে
আহিনৰ শুভ্ৰ শেৱালিৰ সুৱাসেৰে
ভাল পোৱাৰ প্ৰতিশ্ৰুতিৰে
শৰতৰ আহিনে
নীল আকাশৰ
জোন আৰু জোনালীৰ লগত
মিতিৰালি পাতি
পুৱতি নিশাৰ বিদায়ৰ
চকুলোৰে
তলমৰা শেৱালিৰ সুৱাসেৰে
প্ৰচুৰ্যৰ মাদকতাৰে ভৰা
শৰত ঋতুৰ আগমনৰ
প্ৰতিটো পুৱাতে
সুমধৰ লগনতে
Doksiri দকচিৰি, অক্টোবৰ, ২০২৫
No comments:
Post a Comment