KAPÉI IDAKSONG

 

KAPÉI IDAKSONG !

                      Tuniram Médok

Appíngéi kindag

Gerpéma:nam agerdém

Gernamdé aima émla,

Gípéma:nam lambédo

Gímílo aima émla

Béral ka:péma:namdém

Aima béra:la ka:namdé.

Kindag appíngéi

Atí dopa:ma:na:mém

Domílo aima émla

Tí:péma:nam atíém

Tí:mílo aima émla

Aima lumílo atíko

Lupéma:nam agomdém.

Émpige:la,kapéi idaksong !

Gerpa:ma émnamí:dém

Gerka:la ka:lí:dag,

Gípa:ma émko lambéí:dém

Gíka:la ka:lí:dag

Ka:pa:ma: béra:la émnamí:dém

Bérka:la ka:lí:dag.

Kapéi idaksong !

Donamdé aima émnamí:dém

Doka:la ka:lí:dag,

Aima tí:namdé émnamí:dém

Taniyé tíngkal ka:lí:dag

Lupa:ma émnam agomí:dém

Luka:la kangkílí:dag.

Doksiri দকচিৰি, অক্টোবৰ, ২০২৫