আহিনৰ বাঁহী
মনালিছা শইকীয়া
বোকাখাত
সেউজীয়া পথাৰ খনত
আহিনে বজালে লাহিকৈ বাঁহী
পদূলিত সৰিল শেৱালিৰ পাহি
লহৰে চাপৰিৰ টঙি ঘৰত
ৰৈ ৰৈ বাজিছে যুৰীয়া পেঁপা
ৰিব ৰিব বতাহত উপঙি আছে
শিমলু তলৰ গৰখীয়া সবাহ এটাৰ
গাখৰতী ধান যেন মৌ সুগন্ধি মাত এটা
ভটিয়াই যোৱা মেঘৰ বুকুত
বাৰিষাৰ অলেখ ৰাগ-বিৰাগ
আমাৰ শূন্য দুহাতত
সন্তৰ্পনে আজিও উলমি আছে
তাৰেই কিছু অপৈণত ক্ষণভংগুৰতা...
Doksiri দকচিৰি, নৱেম্বৰ, ২০২৫
No comments:
Post a Comment