LOLADNÉ YUMÉ
Krishno Dole:
Siyumké yuméso
Lo:ladné yuméso
Takaré kardung do:mírto
Pundung Appuné
Among amo:lo
Popíré dédung
Gené mo:píso
Asinang odung asinso.
A:né kéré kérélo
Kampon sulli: bograngé
A:né kéré kérélo
Kouang appun punyumé
Asi rago pumpitdé
Bolo bolop bityumé
Noué segel gíyémil
Déu oi asin onamé.
A:né kéré kéréngé
Rongngam pésamé
Ngonyi gípid gíyidé
Du:téng among Rongngamé
Asinang onamé rongki: rongadé
Ngoynik édé ayirdém
Asin agomé Gomug gomla:bé
Mé:bo Mé:tompé tomyumé.
Doksiri দকচিৰি, নৱেম্বৰ, ২০২৫
No comments:
Post a Comment