.jpg)
কুৰুক্ষেত্ৰ
অভিজিৎ তালুকাদাৰ
কুৰুক্ষেত্ৰত আছোঁ
অস্ত্ৰৰ অজস্ৰ আঘাতত
আহত হৈ পৰি আছোঁ
ইয়াৰ আগেও মোৰ কুৰুক্ষেত্ৰত শতবাৰ মৃত্যু হৈছে
আৰু পুনৰ কুৰুক্ষেত্ৰতেই জন্ম পাইছোঁ
মোৰ দৰেই অৰ্ধ মৃত অজস্ৰ মানুহে
একলব্যৰ বুঢ়া আঙুলিটো বিচাৰে
মই এই জীৱনত অৰ্জা
সমস্ত পাপৰ বাবে
অংগক্ষত হৈ মৃত্যুৰ অপেক্ষাত পৰি আছোঁ
এই ওঠৰ দিনৰ কুৰুক্ষেত্ৰৰ
কোনোৱা এদিন মোৰ মৃত্যু হ’ব
মই জীয়াই জীয়াই নেদেখিম স্বৰ্গ
মোৰ পাপৰ বাবেই
মই জীয়াই জীয়াই দেখিলোঁ নৰক
মোৰ তেজে ঢকা চকুৰে
যি পুন্যৰ ফলত কৃষ্ণৰ বিশ্বৰূপ দেখিলোঁ
তাৰে এটা বাট কাটিম অহা জনমত
আগত জনমটোত মই কৰ্ণ আছিলোঁ
এই জনমত মই কৌৰৱ সেনা
অহা জনমত মই কোন হৈ জন্ম পাম
ভীস্ম যদি হওঁ যদি দুৰ্যোধন হওঁ
মোৰ পতন নিশ্চিত
মই জীয়াই জীয়াই স্বৰ্গ দেখিবলৈ নাপাম
সেয়ে মই বিদুৰ হৈ জন্ম পাবলৈ ভাল পাম
Doksiri দকচিৰি, ডিছেম্বৰ, ২০২৫
No comments:
Post a Comment