Ayirém Pa:mílo Lekoda
Tamka:la Ka:langku…
Sadananda Patgiri
Silo Bojeko ikabong
Nokkélo:pé émna do:jikko addung
Kinmang sé do:jiksé
Nokkélo:pé pí:yeson pí:ma:yeson!
Kindag no aiyola dung
No:tu ngom tatpé ayirém pa:mang!
Aipé okum bomna dung
No kampopé dung.
Ayiré appíngém anu anu
Dítagém a:modag
Dokké ayiré ngolum
Kangkinmoma:pé idun!
Ngolukodokké no:-ngo:pé idun!
Aiye...
Nok owé-ba:bu aidun?
Dokké nok bíro..?
Noluk éra:dém aíké érangempé mé:dungai
Émpige:l ngonyik ayang doksiri bíndodokké
Noluk éra:dog ayangé yokpag
Kapiyen ayiré appíngém tokamang.
Um… agom ako lupe?
Nok lédu:l léko yibbosudodokké
Édé yumédém mé:padag
Ngo aroma:nam yirnamsém
Appíngem lubido ngo aidung!
Ngo aiyopé dung.
Ngok imurém nom lugemang
Nom Lupénam agom bojeko dungkang
Lupé lupe émna du:do:ngém
Appíngé yokkang!
Tatkkíka no mé:padagnéi?
Ngonyi lu:posuka po:lo loladdo
Takarmé bérsa:la kanggela
No ludagai-
Takartém la:téi doksiripé ri:pe!
Ka:tog ka:tog takar apirko
Kapé dé:dun?
Agomé lentídagai!
Édé agomkídí:dé aipé mé:pa:modag
Mé:pa:mílo lulí:dag
No aro ayang bimangai.
Ngok mé:bo okumko
No benpen- benrenmoto.
Nokké imuré kamang
Ngo mé:mursuto
Sé mo:píso okkosin du:yarmang
No ka:pé mé:ton
Ayangé du:yarye émna!
Arro sa:....
Sé ma:nyingé émmumé
No léko me:pa:done?
Gíne ayirém
Lékonom mé:begdonéi?
No kindan..
Ngo kapé dun?
Ngo oko;l dun?
O.. no:tu ayirém pa:mangéi
Ngo:sin okkomji mé:nggo:ladung
No:tu okum bomna do:la dung
No:tu éra:lédulo mé:podupé
Nom kangkanopé mo:sídupé
No: mé:pola du:tog
Oiséng...
Agom ako lulí:dag?
No: kapil ngom méton?
Édé agomdém silopé méngabmang
Ngok imuré okkon?
Ngok germurém
Kapil lutoman léko!
Léko luya:mílo
Síddíko mé:díré kamangai
Su: no kindan?
Ayang ajon jonnamém
Aipé mo:té:pé du:do
Atér ager gersudo
Dokké....
Lékoném ayirém pa:mílo
Ayangém bérkutsula ka:langku
Éddíko mé:po kadagang
Édé ayirdo!
Nokképé okkosin pí:mangai
Ngokképé lolod yummai
Sémbulum métobong…
No aiyopé du:lang
Oiseng
No mé:pola du:lang.
Sa:
Nok mé:nam
O nok mé:ma:nam….
Songit
Doksiri দকচিৰি, জানুৱাৰী, ২০২৬
No comments:
Post a Comment