বসন্তৰ প্ৰথম বৰষুণজাক
ৰুণু দেৱী শৰ্মা
আলি আয়ে লৃগাঙত
বসন্তৰো নৱ-যৌৱন যেন
মন-প্ৰাণ ডুলি যোৱা এক
উত্তাল নৃত্যৰ লয়লাস
উপভোগ কৰিলোঁ ফাগুনৰ
প্ৰথম বৰষুণজাক,
ফাগুনৰ প্ৰথম বৰষুণজাকত তিতিলো মন গৈছিল বহুত
বৰষুণজাকত তিতিবলৈ
এক উদ্দাল নৃত্য উপভোগ কৰিলোঁ, ফাগুনীৰ প্ৰথম প্ৰেমৰ
নিবেদন,
অনুভৱ কৰিলোঁ যৌৱন বসন্তৰ
মহাপয়োভৰ,
ফাগুনৰ প্ৰথম বৰষুণজাকত তিতিলো স্মৃতিৰ সি পাৰৰ পৰা
প্ৰথম বৰষুণজাক,
হেঁপাহৰ বৰষুণজাক,
বলিয়া ফাগুনীৰ উতলা যৌৱন
পুৰি ছাই হোৱা বসন্তৰ উৎসৱ
ইকাটি -সিকাটি কৰি উপভোগ কৰিলোঁ সেই প্ৰথম বৰষুণজাক
ফাগুনৰ প্ৰথম বৰষুণজাক
হেৰাই যাব ধৰা বৰষুণজাক।
Doksiri দকচিৰি, ফেব্ৰুৱাৰী, ২০২৬
No comments:
Post a Comment