ইউকেলিপ্তাছৰ দৰে হাত এখন
ৰেবিকা নেওগ
ইউকেলিপ্তাছতকৈও দীঘল হাত এখনে বচাই ৰাখে
বিষাক্ত সাপ, হিংসুক পশু ইত্যাদি ইত্যাদি
মেৰিয়াই ৰাখে একোটা বিয়াগোম শৰীৰ
তন্দ্ৰতাপৰ দৰে থিয়দঙা দি বচাই ৰাখে অপৰাধ
বিষ ঢালি দি অমৃত কাঢ়ি ফুলাই ল'ব পাৰে কপাল
ৰামধেনু ৰঙী জীৱন একোটা পি
গঢ়ি তোলে বিশাল পেট
সাগৰ সদৃশ একোটা মোনা
কেনেকৈ বাৰু কঢ়িয়াই ফুৰিব পাৰে ইউকেলিপ্টাছৰ দৰে এখন হাত!
কেনে সন্মোহন কৰি মাৰি পেলাব পাৰে এটা পকা সত্য!
কেনেকৈ হেঁচি চিলাই থ'ব পাৰে একোখন প্ৰতিবাদী মুখ!
মানুহবোৰক টোপনি পিন্ধাই
কেনেকৈ লুটি লয় মুখৰ মাত!
কাঢ়ি আনে অমূল্য জীৱন!
কেনেকৈ কৰিব পাৰে সততাৰ লুণ্ঠন!
এনে হাত এখনত ধৰিয়েই উলমি থাকে এজাক পুঠি-খলিহনা
অথবা ডঁৰিকণাৰ পোণা
ইউকেলিপ্তাছৰ দৰে হাত এখনেই ৰুদ্ধ কৰি দিয়ে হেজাৰোধিক নিকা উশাহ
ইউকেলিপ্তাছতকৈও দীঘল হাত এখনে বচাই ৰাখে
বিষাক্ত সাপ, হিংসুক পশু ইত্যাদি ইত্যাদি।
Doksiri দকচিৰি, জানুৱাৰী, ২০২৬
No comments:
Post a Comment