ভাৱৰ দোমোজাত
দীপ্তি মণি গোস্বামী
লালুক, লখিমপুৰ
বহুদিন ধৰি উকা হৈ পৰি ৰৈছে
বগা কাগজৰ উকা পৃষ্ঠাবোৰ....
স্থৱিৰ হৈছে!
মন নে সময়?
নে ভাৱনাৰে ভৰা ভাৱনাবোৰ ?
কাক সুধিম কাক কম
কোনে দিব এই সহজ অথচ
জটিল প্ৰশ্নৰ উত্তৰবোৰ ?
জীৱন নাটৰ আখৰাত
বিধ্বস্ত চৌপাশৰ সমীৰে
বিয়পাই নে সুগন্ধি সুবাস ?
যাৰ অনুভৱ অনুভূতিৰে জীউঠে
এডালি সুকোমল সুগন্ধি হাৰ!
সেই অলংকাৰে অলংকৃত হৈ
মসৃণ দলিছাত ভাৱৰ বুৰবুৰণি তুলিবলৈ।
Doksiri দকচিৰি, জানুৱাৰী, ২০২৬
No comments:
Post a Comment