আহ্বান
ৰত্না মৰাণ
বৰগুৰি তিনিচুকীয়া
আহ আহ
এটা নতুন দিন আহ
জেঠৰ মুধচ ভঙা বাউলি হৈ
হিল-দল ভাঙি আহ
গাত মেৰিয়াই লোৱা
বিষাদৰ চাদৰখন
তই উৰুৱাই লৈ যা।।
আহ তই এজাক
মুষলধাৰ বৰষুণ হৈ আহ
অন্যায়, অবিচাৰ
সাজযোৰ ধুই
মলিনতাবোৰ নিকা কৰি
শান্তি জল তই
নৈ হৈ বৈ যা।।
আহ তই বিজুলী
চমক হৈ আহ
তোৰ যাদুৰ চমৎকাৰে
ধূলিয়ৰি আইৰ
উদং বুকুত শাওণৰ
পথাৰ খন তই
সিঁচি থৈ যা।।
আইৰ কোমল বুকুত
জিলমিল সুখৰ ৰেঙনি
উন্মোচিত কৰি
স্নিগ্ধ জোনাকৰ
সোনালী, ৰূপালী
ৰংবোৰ তই
উভতাই দি যা।।
Doksiri দকচিৰি, জানুৱাৰী, ২০২৬
No comments:
Post a Comment