চকুত যেতিয়া কমলা জোন নাচে
ববী দত্ত
আপোনাৰ দুচকুত যেতিয়া প্ৰণয়ৰ
কমলা জোন নাচে
তেতিয়া
প্ৰাণৱন্ত সপোনৰ এটা সৰলীকৃত প্ৰতিসৰণ হৈ
উকা হৈ পৰে মোৰ ওঁঠ
স্তিমিত হৈ পৰে দুই হাত
ওজন বাঢ়ে মোৰ
বুকুৰ পালিত শূন্যৰ।
মাথোঁ দুচকু মূৰ্তিমান সত্বালৈ ৰূপান্তৰিত
হোৱাৰ
গভীৰ কুচকাৱাজ।
সেই দুচকুত মই জী উঠিম
পৃথিৱীৰ সমস্ত ভাগৰ বুকুত সাবটি
আৰু আঁকিম এখন
ছাঁ ছবিৰে আবেলিৰ আকাশ।
Doksiri দকচিৰি, জানুৱাৰী, ২০২৬
No comments:
Post a Comment