Ngo Aila Dung Émna Kapé Lubisuyen

 Ngo Aila Dung Émna Kapé Lubisuyen…

  Dusyonto Noro 

Mo:ro:lokkéi ka:la:song 

Ngok dungkosé yalunné 

Mo:píko émna ka:dag...

Appíngé mé:polígla dung 

Ngo aila dung,ngo mé:pola dung...

Mé:polai du:ji, mé:dírrai du:ji

Ngo:míng kinsudung 

Mé:po-mé:dír ma:nyidé

Kapépag idagji édém 

Ngo:pag kinsula dung...

Ngom boríksunam légangé 

Se:ko okoko imangan...

Lí:né-gené yanyoki tíyyumla 

Ngom dungko okumkosin mobika 

Ngom buríksunam légangé 

Anu ko:bangkosin pabika...

Ngom boríksunam légangé 

Se:ko okoko imangan...

Kekon- kesakpé kopag amíngé

Dumdum lu:pi, ni:tom rílungé

Aín alakki ngom buríksuto 

Ngo:sin mé:pola toríksuto...

Su:pag ngo kinsudung 

Ngok dungko okumsé

Do:dí díno-noma:pé díla dung

Kapé iyebon su:pag 

Mosi:biné kakuma:pé idung...

Su:pag ngo sé:koméi lubisuyen 

Lubisupésinéi na:né-ba:bu sé:kosinéi

Ngom gíka:la:téi ka:tokumang...

Édum arangkolo pítkepsula dungkolo

Ngok amír-amoé simín-sike:pé ika:bo

Édílai bumsa:la kangkípé mé:do

Mé:namdé asin arangí:bo yegla dungka:bo

Gené mo:píém kangkíéitokuma:bo...

Léke ésardé sarpadya:kumílo

Léke asidé lékoda tésa:ya:kumílo 

Ékíg-ékígla kabla lubisupéai

Ngo kapé du:ji...

Ngo aila dung émna kap

é lubisuyen 

Ngo aila dung émna okokoi lubisuyen…

Doksiri দকচিৰি, ফেব্ৰুৱাৰী, ২০২৬