GAMIG
Mg. Ajit Ba:sing
Obonori Bogum
Aíké nappang mosi:sumílo
Aila aminé du:ye
Nappang agom aba:mílo
Anyíngém dopa:ye
Lo:bag bagnédé dolíngém mendag
Ardamílo lopa jarpé jardo
Mirém mé:sunédé okkosin kama
Aropé mirém nédé opanpé lusudo
Yalla pa:nam murko:dé joga:la gíye
Aro agerki pa:nam murko:dé jarra gíye
Luyir agom mínggabdé mé:po aman pa:do
Luyir agom tadma:nédé pagbo gíngasuma
Sé:ko a:o omma:ngém luma: démma:ji
Bottado édé a:o ommadé ané abuém du:gém biyeku
Mé:jubné né:dé okum kumdag
Jumma:né né:dé okum mopendo
Rémagné lulad agomé
Aglíng momiddo
Bígém aglí:nédé
Ané abu kangkinmang.
Doksiri দকচিৰি, ফেব্ৰুৱাৰী, ২০২৬
No comments:
Post a Comment