GÍLATTOKUMA NO

 

GÍLATTOKUMA NO

                        Tuniram Médok

Gíladyeku émla no

Toríksula gígekula odo:bo,

Ramkoksula asiném du:mo:ge:la

Ka:tíla du:la:sin gílattokuma.

Toyal dungai ngo

Toríksunamdém mé:pang mé:pa:la,

Ka:tíla dungai ngo

Ansi:né ésaré ri:yitkodo-

Asin okumé bennyaggékang

Tríksukampé no gíladru:tokuma.

Tyal dungai ngo

Yumé ayirdo atéré

Karbug takar karkodo,

Mé:la atérpé dungai ngo

Lutung agomdém nokké

Kapila mé:pa:tídang asinso !

No kama:pé po:lo loladé

Laddaggom asin mé:boma,

Péttang démukko yumra:ngélé:sin

Rokom píangém boríksutokuma .

Yumdé:dok sarpadné ésardé

Jarsuné ayangém gíbotokuma,

Takar do:lu:to po:lobí

Mé:bo tarungém ru:tokuma.

Asin ogéné mí:bomnam kídí:dé

Ayang do:ri moka:tokuma,

Yumdé:dok kémígné dité:té

Mukkangém dosuktokuma.

Nok agomdém mé:tíla

Mukkang yi:namém kinsuma:pé

Migjinla atéré ka:la du:do,

Kintokuma kapéi ika:song

Ka:tíla du:lasin gíladru:tokuma no.

Doksiri দকচিৰি, মাৰ্চ, ২০২৬