RONGANOI
Dr. Abhijit Pa:yeng
Ronganoi ngokképé
Tadponé gomugo:komang
Ronganoi asin angkéngé
Bíkké among asi ésaré
Ngok mé:bom sunamé.
Bíggíngké kéré:lok
No:l birina khagori kídarro
Ngokké kéra:pé
Mé:mínsunamko kadung
So:bo menjeg kanggabdí
Adí dokké:bo
Bíkké angkéngí:dog
Asi siyad yadnam ka:sa:suna
Asi duryír suto, ba:yir suto
Asi da:rém ka:na
Ollung duyirsuto.
Édémí:pé
Sé:kosín kínma:pé
Kokangém gíbadna
Sí:duglo a:na
Mé:sa:suto aro ayang gompírko.
Doksiri দকচিৰি, মাৰ্চ, ২০২৬
No comments:
Post a Comment