Ngok Turnamsé Rago Ruyi:lok Ísíngé

 Ngok Turnamsé Rago Ruyi:lok Ísíngé

                                 Joya Medok Doley 

                                                     Jorhat

Ngok turnamsé 

Rago ruyi:lok ísíngé 

Asi ésar amongém  

Péso pésola 

Turra dung 

Asibí édílo bidyud lígyésong 

Ragobí édílo ko:led lígyésong 

Ésarbí édílo sartab lígyésong

Ansu ansul turra dung 

Rokomém kinmang 

Longém kinmang 

Yummém kinmang 

Asinsé jinna dung

Ngok turnamsé sémpéi ikan 

Édílo yérung annyiso 

Ta:da lama:nam gomug kokki 

I: yépukki ablígnamémpê 

Asinso aba:lígyéji 

Asin onam tanilok 

Tatkan ma:nam agomém 

Tadbég yémílo 

Aíké yaloséi yokmopé iyémíl 

Ngok turnamsé 

Kapé iyén

Aropéi ngok turnamsé 

Rago ruyi:lok ísíngé....

Doksiri দকচিৰি, ফেব্ৰুৱাৰী, ২০২৬