Gené Do:jig
Priyanka Dole:
Ratanpur
Mébomsunam Jo:jog
Ru:néké ayangki ngo mé:dung no aila du:pé émna. Ngo:sin aila dung nok ru:nékolok kumbinam ayangki. Ngok angkéng ara:bok upogla du:né ayang ga:né dém nokkolo:pé bityar modung ngo. Nok mé:jubné asindokki no gomríksulang ngok bitla gíné ayang ga:nésem. Silo ngom nok asindok ka:podé dunga mo:mang. Nok mé:jubné asindé ngom yuba:momang. Ngonyé kérango:pé dungge:lasin silo mo:téngé. Aín, no ngom toya:lang, odolo:pé, édílopé ka:beg ma:nam ru:né bí ngonyík ma:nyíng mi:da:dém do:ng amo:so aropé imoma:yéji:.
Nom ngo angkéng ara:boksin ara:bo mésí:la métung. Nom pa:ma:mílo ngo ngala turra:ma:yé. Nom ngo aipé mé:dag mo:pí:sok bottarya:né ga:né démyangsin bojéyangko. Aín, nom ngo aipé mé:dag télé do:mír témyamsin bojéyangko, yummém karné takarémyang bojéyangko. No nok owméla: ba:bumé kapé aya:dagji, nok bíro anyi dém kapé mosí:dagji, édémí:pé ngo mé:dag ngok ow méla ba:bumé nom péyam aya:jo:ya:né kamang. Ngok ngasoddodo nompéyam ngokké bítin sula:nam ajonko ngo pa:yé émna mé:la:mang, Aín. No kapila éddípé méjubdan? Nok dumsíg mikmo:démyam nok édé mé:jub-méngkapné asin dé ngom yummém yummi momang, konongém mé:beg sumomang.
Nok appíngém akampé mé:né édé kamponé asin dém lo:dípé kampoladu:molang. Koiyangém édílosin a:moyo. Ngo:sin nom toya:yé no édílopé nok ma:nyíngém mén-gabge:la aíké lépo talé:lo dagsula:ma:yéji:, odolo:pé toya:yé édílopé no na:nyi méla ka:kímé botténé okumko mobige:la bulum mé:pola réngam ara:lo gilen la:dopé lambéko mo:ro:moma:yéji. No ngok mébomsunamé ngoggongké. Ngo:sin nokké lo:dípé! Nom toya:la dung. Ma:nyíngém ma:dung, é: anyiké turpumsunam ma:yingém. Lékoda, no ngokké ngoggongké, ngo:sin nokké noggongké.
Nok aíké,
Karbuk
Doksiri দকচিৰি, মাৰ্চ, ২০২৬
No comments:
Post a Comment