Adíé Dé:la Gídag
Purnajyoti Kumbang
Adíé dé:la gídag
Migyapkosin totedma:pé
Bírdug asakpé gía:la,
Angu angu yanyo yonsula
Dígínlo sikír ginna ginna
Díimíl guné angkir réyagla.
Adíé dé:la gídag
Daktok ésar kísa:pé
Ali gordu:l bígabla,
Mo:pí anup mo:ru:la
Mo:lungé anse sela
Do:nyi-podong lédulo
Biddug asipé biddag
Donggom ésarpé sara:la
Okolaipé dé:pagdag.
Adíé dé:la gídag
Adí lédulo dongkéngé
Genélo ri:mig tangarpé,
Dísang aríglo aín a:yépé
Dígín a:míl muksuppé.
Doksiri দকচিৰি, মে, ২০২৬
No comments:
Post a Comment