KAPÉ DU:N
Mg. Ajit Ba:sing
Obonori Bogum
No Kapé du:n émnamko ríksuyamíl tallí:dung
Tatpénamsimna an-nyi:dun.
Bejeko ika:bo tatpé mé:lasin tadlama.
Gígo:namkosin ka:beg tokuma.
Ammeméi tatpé, tatpé namdém an-nyi:dag.
Nom kalíla bérgo:do
Bérbeg ma:yem asinsi mé:dírdag.
Ngo: édílo:sin bím ka:la lo:bagé kama:ngai
Kapikan lo:tu:pé ngom mépakton
Édém mé:la dídí-kokola okkomsin kensuma.
Asiné mombati:pé jeddung
Édémsin kinma jednési oko tani:pé idon.
Atíko: émma:pé kapikan bí mo:tép gíkan ?
Ríksuyam édém aipé tallí:dag.
Kombong po:loso bí: gedu:pé ?
Yirnamdé ni:tompé idu:pé ?
Migmodé appunné pundu:pé ?
Laksinno nokpalis notsudu:pé ?
Amigdo kajol titsudu:pé ?
Asin amigdog ajonko
Pa:tupé ?
Émpilai lutérkosin lumap mépagdun
Kenní:dag bí, kapé du:song
Bí tadmaru:bo
ngok mé:nam agomko
Ka:bbí: supai rígsu:yamílo.
Asinsi mé:lango:sin du:lama ,kalí:dag
Tadma:pésin du:lí:ma taupénamsimna an-nyidag
Doksiri দকচিৰি, মে, ২০২৬
No comments:
Post a Comment