নাজানো ভালপোৱাৰ অংকটো
সদানন্দ পাটগিৰি
আৰু… কিমান ভালপালে
তুমি
ওচৰলৈ দৌৰি আহি
আলফুলকৈ সাবটি লবাহি?
আৰু... কিমান হিয়া
মই
তোমাক উজাৰি দিলে
দুহাত মেলি আকোঁৱালি দিবাহি?
নাজানো মডাৰ্ণতাৰ
‘আই লাভ ইউ’
নাজানো ইংৰাজৰ
‘বুকে’লৈ তোমাৰ হাতত
অৰ্পণ কৰা।
মইটো গাঁৱলীয়া
হৃদয়ৰ কাৰেঙেৰে
বুজাব বিচাৰোঁ
‘তুমি মোৰ’-
‘মই তোমাৰ’।।
মই নাজানো ফুলে
কিমান ৰসেৰে পূৰ্ণ হ’লে
পখিলাৰ আগমন?
মই নোৱাৰোঁ
মুৰলীধৰৰ দৰে পাৰিজাত
ল’বলৈ স্বৰ্গ গমন!
আৰু মই নাজানো
তোমাৰ হৃদয়ৰ কাৰেং
কালৈ বা মন!!
Doksiri দকচিৰি, মে, ২০২৬
No comments:
Post a Comment