সোণালী নদীৰ চকুলো
ৰেণু শৰ্মা
ডিব্ৰুগড়
এই নদী নিৰবধি
বৈ আছিল অবিৰল ধাৰে
বুকুত লৈ ঐশ্বৰ্য্য সম্ভাৰ
ভটিয়নী সোঁতে বয় কুলু কুলু কৰি,স্বাধীন সুৰত গীত গাই
দুয়োপাৰে সিঁচিছিল সোণালী পলস
শষ্য শ্যামলা কৰি ধৰণীৰ বুকু।
দেৱতাৰ বক্ৰদৃষ্টি পৰিল যিদিনা
সিদিনাই আকাশত ডাৱৰ জমিল
চৌদিশে ধুমুহা গাজনি
ঘনঘোৰ মেঘৰ গৰ্জন
প্ৰতিৰোধ প্ৰতিবাদে কঁপাই ধৰণী।
সকলোটি হ’ল যে অসাৰ
ক্ষমতাৰ জয় আৰু
মূঢ় জনতাৰ পৰাজয়।
খৰ্ব কৰি স্বাধীনতা সোণালী নদীৰ
গতিৰোধ কৰে অভেদ্য বেহুৰে,
অগ্নিগড়ত বন্দিনী উষাৰ দৰে, কান্দে তাই
দুচকুৰ চকুলো বোৱাই।
অ’ মোৰ সোণালী নদী!
বৈ যা তই।
Doksiri দকচিৰি, মে, ২০২৬
No comments:
Post a Comment