ইয়াত এখন পাঠশালা আছিল
ৰমেন কুমাৰ গগৈ
ঢকুৱাখনা
গধূলিৰ,গধূলিগোপালৰ ঠাই
হাচনাহানাই লোৱা দিনৰে পৰা
মই বেদূইন হ’লো
অঘৰীৰ মানুহবোৰে মাটিত খান্দি আছিল
ইউকেলিপ্তাছৰ শিপা
যাযাবৰী বতাহজাকৰ হাত বাউল—
সেইফালে যাব লাগে
বৰদৈচিলাই মহতিয়াই থৈ যোৱা বুকুৰ তৰাং নদী ঘাটত
বটগছ জোপা চানি ধৰিছে আকাশীলতাই
তাৰ সিপাৰে শিলসাঁকো নামৰ গাঁওখন
গাঁওখনৰ ঘৰবোৰ নাই।
মানুহবোৰ আছে মানুহবোৰ।
ফটা কানিকাপোৰে লজ্জা নিৱাৰণৰ আদি পাঠ শিকা
শিশুবোৰ যেন এজাক বেদূইন বতাহ—
উতপ্ত অশৰীৰী আত্মাৰ বিলাপ
যাযাৱৰী হাঁহি স্ফুলিঙ্গ
ইয়াত এখন পাঠশালা আছিল, পাঠশালা—
Doksiri দকচিৰি, মে, ২০২৬
No comments:
Post a Comment