ক’নেং ঐ
ৰঞ্জয় হাজং
কৰৈবাৰী, ধেমাজি
ক’নেং ঐ
তোমাকে দেখাৰে পৰা,
নিগৰি আহে এটি সুৰ,
হ’বানে তুমি আইপা মেনাং মোৰ।
ফাগুনত যাম লিগাং চাবলৈ,
বিগাচেং গাতে ল'বলৈ
দিবানে তুমি আচিনায়াং হৃদয়লৈ।
ক’নেং ঐ
প্ৰতি ক্ষণে বাঢ়ি আহে তৃষ্ণা,
নাজানো এইয়া দিন নে নিশা।
তোমাৰে ঘৰৰ
পৰ আপং,‘নগিন’আপংৰ সুৱাসে আমনি কৰে,
উলাহতে মন ভৰে।
ঢোলৰ চাপৰতে,
তোমাৰ ভাৱনাতে,
ভাহি আহে
ঐনিতমৰ সুৰ,
ক’নেং ঐ
হ’বানে তুমি আইপা মেনাং মোৰ।
Doksiri দকচিৰি, মে, ২০২৬
No comments:
Post a Comment