ARÉ

 

ARÉ

                Horen Koptak

Mé:poko pa:lí:mílo

Mé:dírko mé:pa:yé

Mé:dírko mé:ma:pé

Mé:podok arrém kindonei?

Yirnamko pa:lí:mílo

Kabnamko kappa:yé

Kabnamko kama:pé

Yirnamdok arrém kindonei?

Turnamko pa:lí:mílo

Sinamko kapa:yé

Sinamko kama:mílo

Turnamdok arrém kindonei?

Ayangko pa:lí:mílo

Jirríngko kapa:yé

Aglíng jirríng kama:pé

Aya:dok arrém kindonei?

Lolad-ko pa:lí:mílo

Kémoko kapa:yé

Kémoko kama:pé

Loladdok arrém kindonei?

Mo:ron dakorko korrí:mílo

Paníg kané dakorém korpa:yé

Paníg kané dakorko korma:pé

Mo:ro:dé okkon kindonei?

Turying turnamsé

Do:sog yarungé

Ainé aimang gasumém

Gordung bégdo:p jo:namé

Édémíng ludo

Aro turyingé !

Doksiri দকচিৰি, মে, ২০২৬