RU:LENNAM GOMPIR
Jiten Noro
Obad badledo:nam agamné ojíng kísapé
Gompirkídí:dé amír-bílínna gía:dag
Ngok kéra:lo:pé.
Dokké nabberdo umbomna gídag
Lendo a:dolokké du:yar adílok toríko
Mé:dír kama:né kapta-kammasunam mari:ko.
Gerpéru:né a:ngkané abu kísapé
Ngo bulum dígín-díilo gékannam
Anu anu bédu gasorém gémodo.
Nabberdo sunlígdo
mo:pí:sém moturnané a:bangém.
Alagdo bigabdo
mimag monané yongmo épugém.
Gompirkídídok léga:pé ngo
Lo:dípé mago:do
Goneské a:yé jerpagné
Porsuramké ígí:démpé
Déngkalagma:né mimag-sérangko.
Doksiri দকচিৰি, মে, ২০২৬
No comments:
Post a Comment