AYA:MAN ÉSAR
Mg. Bhobo Dole:
Bík aglí:dém ka:la
Do:lung tani:é
Ru:ném kumna kumna gogdung
Télé télé Yaka mirém koto:pé gíkangka
Ngolu usa-bo:dum réktasula donné
Ngolu usa-bo:dum réktasula donné.
Buluk kumnam kangkinma:pé
Pédong-yari yonnusula
Do:mírté do:mum mumla
Anné nésuré maksong so:robdung.
Opan-mirém kangkinma:né
Do:mír-pédong yonnusuné ésardé
Mé:bomsunam ukumdém yupen-yurento
Ayang kama:pé
Dungko kama:dopé.
Éddo:mang ?
Bídérénsula du:né apí a:yé amí:dém
Néi-néngan ngansa:né sí:surdémsin
Sarmíg-sarsígla sartablíkto
Ayang kama:pé.
Ookkésin ?
Dogang dunkumsula léngko kumsudém
Yupenna amkídí:dé jupu:la dung
Odo pérog-péjabé anse semandung.
Dírrabdankang !
Soi rínko ukumdémgom yupento
Dungko kama:la ombe:ombe: émna kaptag-ri:tagla dung ígo:-banggo:la.
Doksiri দকচিৰি, মে, ২০২৬
No comments:
Post a Comment