মোৰ প্ৰিয় দেশৰ ঋতুপৰিবৰ্তন
অমল দাৱ
বোকাখাত
পলাশ মদাৰ শিমলু ফুল বোৰ নৌ মৰহোতেই
আহু তলিলৈ যৌৱন নামে
দিচৈখন যৌৱনৰ ভৰত উফন্দে
এজাক বৰষুণৰ পৰশত লঠঙা গছে কুঁহিপাত মেলে
তেতিয়া মই
গৰখীয়া নিতম
তই- চমান
আকাশ বতাহ আমাৰ লৃগাং
এনেকৈয়ে পায়হি বহাগ
নীলা আকাশত বগা বগা নীৰমুখী বগলীজাক ৰিনি ৰিনি দূৰৈৰ বাঁহনীলৈ উৰে
মেঘে গাজনীয়ে উন্দুলাই আহে বতৰ
নৈ-ত গড়া খহে
ধুমুহা এজাক হৈ পহিলা বহাগত বৰদৈচিলাই উৰুৱাই নিয়ে-
বিধস্ত হয় সপোন
ঠানবান হয় -
হৃদয়
তথাপিও মাধৈ মালতী তগৰ কপৌৰ সুবাসত
সপোনে ন-কৈ পোঁখা মেলে
বৰ অনুপম মোৰ প্ৰিয় দেশ আৰু
মোৰ দেশৰ ঋতুপৰিবৰ্তন
Doksiri দকচিৰি, জুন, ২০২৬
No comments:
Post a Comment