PU:MU
Mg.Bhobo Dole:
Pédong bírdugé.Silo lo:níd-ko ika:bong ke: kere:pé méma:pé onamé.Karpunpuli pobug pogo yari: lottado pédong assé seleng gasor sorkabnampé sorkomdung. Gene nésin-néyangé lí:pu jí:pé jínga:dung.Tatígé mé:pola go:ge go:ge émna mé:pola kaptagdung.Asílo du:la:man kídí:dé gítung mala gídung.
Karpunpuli pobug pogodok yari: lottado así télubla poyiné kídíngé ko:kang kídí:dém aipé kanggabla dung.Sé:koi duglenpé émmílo sogabla gílenbodung.Kinmango:pé duglenna pé:le aumdo Migom -bí yudlatkang.Édém ka:la poyirnédé ludung Koyobo luma:lang gílenyo émna.Aso aso:pé pogo yari:lotta télumna pogo ara:do téadung. Turné takamé turnam léga:pé di:sub mala gídung.Selako éga:dolo Karpun-bí samtag géné alédokki sampeto. Édém ka:la poyirnédé ludung turné takamé noggíng kémpé turrí:dag.Odokki bulum moke pa:mangdéi émna lukaidung ? Bulu appí:dé togésukang.
Pédongé Ajjouko ongasukang.Odokki ko:kang kídí:dém pogo dokkém mélígdungku. Béttén ko: kídí:dé amírdo sogén kídí:dém gémoge:la ako pé:lelok ajji ajji:né ko: kang kídí:dém ali tayé:pé poyirnédé bílen líktoku.
Ané-abu kídí:dé aí aíké ommangém gíbo kangku.Turné tapumé pogo ara:do banggo:la mé:pola dungkang.
Doksiri দকচিৰি, জুলাই, ২০২৬
No comments:
Post a Comment