বিশাল চেতনা
ড° ইকবাল হোচেইন খান
আকৌ নদন-বদন হ’ব পৃথিৱী
সেউজীয়া গান হৈ ।
নিঃশেষ হ’ব
সংকীৰ্ণতাৰ হলাহল
সুৰে সুৰে ছন্দে ছন্দে মানৱতাৰ জয়গান ।
হে বিশাল চেতনা
ভাঙি গুৰিয়াই দিয়া
হিংসাৰ বিষদাঁত ।
তেতিয়া তোমাতেই থাকিব ভক্তি
মানুহে পাব মুক্তি ।
আনন্দ হৈ পৰিব জীৱনৰ
আনন্দ প্ৰেমৰ
আনন্দ বিশ্বাসৰ
আনন্দ পৃথিৱীৰ ।
আনন্দতেই উতলা হৈ থাকিব
বসন্তৰ গান
কৰ্মৰ ধ্বনিত বাজি থাকিব
আস্তাৰ গান ।
এয়াই হওক হৃদয়ৰ অনুভূতি
নদন-বদন পৃথিৱী ।
Doksiri দকচিৰি, জুলাই, ২০২৬
No comments:
Post a Comment