MÉ:PANG
Bishnu Padi
Ya:ri yarla po:dong ola
Bottarupé do:mírko
Ruyi-ruyi:dando míryemílo
Mé:pa:dung ru:némé
Tarku-tarkudanna kumpé
Su:paggou mé:rubdung
Asin arang-ara:bok tolígla
Je:la-je:la ludung!
No:íng kindagbo
Ngolu okokosin kinmang
Sinam-turnamdé
Ru:né pínénok ayangé...
Sikur lédudo
Tanié mé:pa:ya:dakku
Bík ayangém
Bík agom gomugém
Béyak béyakpé
Réyak réyakpé
Gíjonsudagdo pangkupéi mé:mangai!
Kablai su:pag okoko pa:yen??
Ya:yo ta:toké luyir agomém
Adjauné ya:mé mímbíré taddo
Turdoso aya:mínsul du:namko
Ainé tarungko ru:namko
Ainé bélamko manamko
Dolínamko donamko
Tí:línamko tí:namko
Lumín-pamínsunamdé
Ngérek patungé!!
Émna mé:jo-mé:labné
Ajonko ríksutoma
Kintoma pobug pogo pododo
Na:n-bapké luyír lupoko
Sé:komsin toya:mané
Ayirké gíné do:yingko
Mé:padung si:ro!!
Mé:padung si:ro!!!
Doksiri দকচিৰি, জুলাই, ২০২৬
No comments:
Post a Comment