অভিশপ্ত এটি শাৰদী ৰাতি
হৰেন কপ্তাক
সৰি পৰা শুকান পাতৰ কঁপনি,
মাজৰাতিৰ ভুলকৈ দিয়া কুকুৰাৰ ডাক।
চিঙি যোৱা সুৰৰ জিঞ্জিৰি তুলি,
সপোনবোৰে বাট হেৰুৱায়।
ছন্দহীন জীৱনৰ দুঃস্বপ্ন ৰাতি,
জোনাকবিহীন নিশাৰ ট্ৰেজেডী ফালি,
হামখুৰি খাই সৰি পৰে —
এপাহ শেৱালি।
বাঘদেৱীৰ হাতৰ চাবোকত তেতিয়াও
থৰথৰাই কঁপিছিল মহিষাসুৰমৰ্দিনী —
চিকিমিকি পুৱাৰ আৱৰণ খুলি
হেঙুলী বেলিয়ে কাণে কাণে কয়-
সেয়া আছিল অভিশপ্ত এটি শাৰদী ৰাতি।
Doksiri দকচিৰি, অক্টোবৰ, ২০২৬
No comments:
Post a Comment