গিলাচ মানুহ
মাধুৰ্য প্ৰিয়ম দাস
কিছুদিন ধৰি মই মোৰ চাৰিওফালে কিছুমান মানুহ লগ পালো
সিহঁতৰ দেহটো গিলাচেৰে গঠিত আছিল
দেখিছিলোঁ সিহঁতৰ শৰীৰ ভেদি
মনবোৰৰ ইপাৰ সিপাৰ।
গিলাচ বুলি জানিও মই বিশ্বাস কৰিছিলোঁ
অথচ ঠুনুকা হোৱাটো গিলাচৰ ধৰ্ম।
আবেলি কাষেৰে পাৰ হৈ যাওঁতে
সিহঁতৰ মাজত মই নিজক দেখিলোঁ
সিহঁতে একাষে সানি লৈছে নানা ৰং
মই মোক চিনি পালোঁ!
ইমান সহজতে মোক উপকাৰ কৰাৰ বাবে
মই ধন্যবাদ নিদি নোৱাৰিলোঁ
আৰু
উভতি আহিলোঁ।
পদূলিত ভগা আইনাৰ টুকুৰা অলপ দেখিলোঁ
ভৰিৰ কটা দাগটো তেতিয়ালৈ শুকুৱা নাছিল
চুই চাওঁতে অলপ বিষ বিষ লাগিল এতিয়াও।
Doksiri দকচিৰি, অক্টোবৰ, ২০২৬
No comments:
Post a Comment