Méngkítsukang

 Méngkítsukang

Mg. Prosanto Kumar Pa:yeng

Lakhimpur

    Réngam kumda:dok gí:dang yabgodok  lagbíkpé gumti:dukan ko—guye:-pa:n kobulu kodopé moge:la Bu:dorbí abí:né ao Tukun:mé dunggabmotungai. Kangkíma:nam tani:ko gíala guye:-pa:n lang dunga:-su:n dém doppo: kanpé nappa:do síngkeb líksuge:la, "kalo sa:ba sigret dobol piltarnédok bi:ka", la:ríksuge:la nappang sokke:do keblígsuge:la, umlatla dagge:la "sa:ba panot démgom bitoika". Panot dém  la:rígsudído kepe kekurra kangge:la lukang, "dukaní aodé:tu dukani:péimíné iyebo:n, boporaikoném ayangé." Abudé gumti pérédo atíko mé:mi:la du:dodém agomdém lígémpé tatpa:sula bík asindo aukpé guangkang, odok lédudokkéi  gumti dokké éyabdém siglen nammém  mé:potokumang, lékoda nge:latsula ka:tokuma:bo.

Odok lédulokké bí rowé rokomké  kokpo:n porog kikiri kokdodom ommangém urrobla poridopé lurob bomkang aídé dunggabsula démlíg déma:la poraila aso asopé ommang kírí:dém bottané migompé itomanggom aipé pori-huniné tani pé badmoto. Abudok  ajjaodokké morítbomna dunggursubomna amik darsudopé monamdém ako annyikopé ommangé mé:yoksula:tomang édémí:pé ake ommang kírí:dé su:lo:pésin méngkinéisutoma.

Doksiri দকচিৰি, অক্টোবৰ, ২০২৬