NOK AYA:DÉ
Jodu Bori
Majuli
Asin Ménam sé:
Angkéng Kinamé
Nom lupé mé:lasin
Ngok lupénam agomdém
Lulamang asinsé
No ngom oko ayang bitoné?
Ríksupé émna:sin
Silo nom réksulamang
Asin agonko kíbípé émna:sin
Nom Ngo lubi-sulamang
Silo ngo rígang tongido
Atér Atér ngok ayang kídídém
Mé:pa:la tungo:ladung
Podongé ésaré kinma:pé
Síkír síkírpé tunna dung.
Nok aya:dé kapiné ayangé ?
Silo nom ka:pé mé:lasin
Nok dumsík migmo:dém ka:bektomang
No kapiné gora:lo gínok sukan?
Télé tayé:tok du:né ru:né-pínémé kumdung
Nok Ayangki
Ngok mé:nam aínmé ríksu:motei.
Ru:né nom kumdung
Pí:né nom kumdung
Sí:sané asinsém
Mé:po:la du:motei
Atér oi:ké dumsígdém
Yupko ma:nyibo ka:bekdag
Kinsu:langkul kanmo:dung.
Doksiri দকচিৰি, অক্টোবৰ, ২০২৬
No comments:
Post a Comment