ASÉNG KÍDÍ:DÉ

 

ASÉNG KÍDÍ:DÉ

                         Juwel Pe:gu

O:ké ayang ugyumdok léga:péi

Ba:uké amír angkirdok léga:péi

Ingga:ma:né méramdokké

Angngara:né kumsu:dok léga:péi

Ngo turra dung

Nok aséng kídí:dé déírpé

Ako kumtompé imílo ngokké

Ainé longngé a:yérung aropé

Gímurpénédok bédangémsin gígabmola:do

Atér jinkérébné alagémsin koksedmola:do

Ayang akurki kurkabmola:do

Asin mé:jog tarrém

Tíngkumna méla:do miksi sikurémsin

Nok aséng kídí:dé édílo

Kumtompé ila pínga:dang ngokkolo:pé

Édémpimílo du:tedla du:n kapila?

Bika:mínsula aséng kídí:dém

Nokkémsin….. ngokkémsin…..

Yampo do:nyiké angunlo mélígyé

Aséng do:jígém

Ngo kindo anu longé kídí:do

Nok aséng kídí:dé

Kumtompé ila toya:l du:yérung

Ngok asin tu:pogdo.

Doksiri দকচিৰি, অক্টোবৰ, ২০২৬